ROKAN HULU (RIAUPOS.CO) – Tahniah dan syabas atas penyelenggaraan Musabaqah Tilawatil Quran (MTQ) ke-42 tingkat Provinsi Riau XLII Tahun 2024 di Kota Dumai 12-18 Syawal 1445 H bertepatan dengan 21-27 April 2024 Masehi.
Semoga polaksanaan MTQ ko momaok berkah dan membumi di Bumi Melayu Lancang Kuning. Demikian disampaikan Ismail Datuk Podano Montoi Ponimo Anugrah Tokoh Budaya Riau Asal Negeri Seribu Suluk ko, Senin (22/4).
Wak colo, wak baco dan wak saksikan langsung di tompek acara MTQ ko maupun lewat media, nak media cetak dan elektronik nyo, helat MTQ ke-42 tingkat Provinsi Riau taun 2024 di Kota Dumai bolangsung moriah.
Mulai lai acara pawai taaruf nyo sampai dengan acara pembukaan yang dilaksanakan ai Ahad malam, 21 April 2024 di lapangan Taman Bukit Gelanggang jalan Subrantas Kota Dumai.
Dalam acara pembukaan MTQ Ke XLII tingkat Provinsi Riau taun 2024 di Kota Dumai ko dibuka langsung oleh Penjabat Gubernur Riau H SF Hariyanto.
Etong ilmu colo ko ateh dan etong oto colo ko bawah, kato uwang tuo awak kampong, sobanyak onam puluh dolapan qori dan qoriah yang togabong dalam utusan Kafilah Kabupaten Rohul yang ikuik acara MTQ onak nyo bisa dan eloknyo mamaok balik prestasi yang ponah Wak dapekkan tigo taun botuik-tuik boboapo taun yang lalu.
Untuk monapekkan balik, prestasi yang botuik tuik tu, Iko moupokan kojo koeh, sunguh sunguh dan nak sontiang pulo dalam penguasaan materi lomba yang dilombakan solamo helat acara ko, lanca kaji dek ulang, ramai pasa dek ditompuh. Tomasuk juo kosiapan mental.
Lai pongalaman yang susah sudah onak nyo ko onam puluh dolapan utusan awak ko, bisa dan mampu elok nyo momuek masyarakat awak bangga dan bersuka cita dalam meraih prestasi di MTQ Riau di Kota Dumai ko.
Inyo toaso tu nyo dalam setiap helat acara atau lomba yang ikuti, dalam di-i awak ataupun pemkab Rohul akan hasil atau prestasi yang akan di capai atau dapekkan, jika lah lai somangat model Iko siapopun yang di hadapi dan apo pun kondisi nyo, Insya Allah bisa diatas atau dikalahkan.
Sobalik nyo, jika Wak inok bisa mongalah kan di-i awak dalam perlombaan Iko, atau bodoba doba jantong atau Baok Balik ko Awak moletek tulang belulang ko, bagaimano pulo awak bisa mongalah lawan Wak, jadi mental dan Jiwa ko harus menjadi kunci utama juo yang harus awak kuasai dan kendalikan.
Ino cukuik sampai disitu samiang, tomasuk juo awak sobagai masyarakat Negeri Seribu Suluk ko, moh wak doakan ko onam puluh dolapan anak komonakan awak ko yang sodang bolomba untuk moraih prestasi sokalian bisa pulo moharumkan namo kampong halaman awak.
Kalau polu, jika lai kotu dan kosempatan siapopun awak, Moh datang wak ko Dumai ko untuk momoikan somangat, apole somakin banyak wak datang ko lokasi Iko, somakin botamah somangat anak komonakan ko moraih prestasi dan juara.
Somangat anak komonakan kami, kami sobagai masyarakat yakin dan pocayo bahwa anak komonakan kami yang ikuik MTQ ko in sha Allah bisa moraih prestasi dan juara. Solamat dan sukses kami doakan, semoga Allah momoikan kekuatan dan hidayah moraih prestasi. Baok balik piala juara umum tu ko kampong awak. Inok Awak Siapole. Kato sang Inspirator dan Motivator asal Negeri Seribu Suluk ko.(epp)
