ROKAN HULU (RIAUPOS.CO) — Kinin ko sodang banyak curito di negara awak ko tontang kerajaan, lai yang munamokan Sunda Empire, lai yang mungaku King of the King, lai pulo Agung Sejagad, pokoknyo mocom-mocom.
Tapi nampak nyo setelah didalami dan dipelajari dalam sejarah, mu ota panjang lagangnyo urang tu nyo, bisa juo disobuik bubohong koriang, tah apo onak nyo atau mukosud nyo ino wak tau. Itu ino urusan awak no, lopeh betu, lai urang khusus yang muetongkannyo.
Dek kini ko sodang naik daun atau bahaso urang kinin nyo viral, awak angkek pulo asal usul Rokan Hulu ko, dek asal usulnyo dari kerajaan dan kewalian atau kenogorian pulo. Tapi iko ino dek nak viral samu dengan Sunda Empire atau King of the King tau Agung Sejagad tu do, iko nyatuo dan iko pun asal usulnyo, ino kinin do, dah tu lai pulou dalam sejarah supayou papaja (bahaso pasie untuk anak muda sekarang atau ABG) kinin ko tau pulo.
Jangan pulo inyo bisuk takuik munyobuik kerajaan atau luhak di Rokan Hulu ko, takuik ditangkok atau diproses hukum pulo, dek kerajaan di awak ko memang lai dan di akui, ino mumbuek buek macam diurang tu.
Rokan Hulu subonanyo subagian dari Rokan, subagian lai, itu lah Rokan Hilir. Lai 8 kerajaan (walaupun sonik/kecil) di Rokan ko, tiguo kerajaan di Rokan Hilir (Kubu, Bangko dan Tanah Putih) yang di sobuiknyo dalam sejarah Rokan Hilir Nugori.
Kalau di Rokan Hulu lai limo kerajaan yang disobuiknyo Luhak ( Tambusai, Rambah, Kepenuhan, Rokan dan Kunto Darussalam). Kerajaan itu lah bukuasu di Rokan ko, bu abad-abad nun lah lalu, iko tu bukti, permaisuri rajo Sibaroar di Padang Glugur Tapanuli Selatan Amiang di abad 14 lah munjadi istri Rajo Tambusai di Makam Raju Rambah pun lai nisan yang butulihkan tulisan arab 1292.
Olah itu Rokan Hulu itu lai tanah bulobih (perdagangan) Ujung Batu kinin ditambah di wukotu Bulando potang tahun nyo ino pulo tu ingek duwo konogorian atau kewalian di sorahkan Kerajaan Siak ko Kerajaan Rokan (kinin Rokan Hulu), itu lah Kabun dengan Tandun.
Berarti hebat Rokan tu masuk Rokan Hulu kinin ko dari potangnyo kawan, buartikan walau sobuik urang Kerajaan Siak tu godang, tapi 2 nugorinyo di sorahkannyo ko Rokan, cubo lah itu, berarti dek urang tu mungaku dengan pucayo kehebatannyo tih makou disorahkannyo, no dapek ajak nyo tu leh do.
Buarti kalau betu Rokan ko tu masuk hebat juo lagang nyo dari dolu, dan awak yakin ko dopun pun mo Rohul ko sumakin hebat baik daerahnyo maupun urang yang lai di dalamnyo, iduik rukun damai, harmonis tonang dan sejahtera.
Suhinggo topek katu urang Jerman yang bunamo Max Moskowysky, Rokan Hulu khususnyo Bukik Suligi disobuiknyo Jantong Pulau Sumatra, dek kan pontiang nyo dan Rokan Hulu satu-satunyo kabupaten di Indonesia eks wilayah Limo Rajo Hebat.(epp)
