(RIAUPOS.CO) – Joman kinin ko, awak lah banyak istilah, mocom awak urang kampong ko, bingung juwu, kadang di buek nyo.
Kolou urang codik di kota naun, mungkin lah pumainan nyo suari-ari tenyo, istilah iko, usahkan arti nyo leh, munyibuiknyo samiang payah-payah awak, bekeleuk lidah tu di buek nyo.
Sudah itu, awak kiruw lain istilah nyo, lain pulo arti nyo, ruponyo, kadang itu-itu juwu. Makuwnyo mumbuek awak ragu bagai.
Mocom corona munjadi Covid-19, itu-itu juwo barang nyo, rupo nyo, lai puluw istilah hand sanitizer, ruponyo muncuci tangan awak inow pakai ayie, social distancing, ruponyo inuw bulih bu banyak-banyak, bulungguk atau ramai-ramai, physical distancing rupunyuw munjaguw jarak antaru awak.
Isolasi puluw ontok surang, inuw buleh urang lain dokek, atau diasiangkan, desinfektan, munyemprot ubek untuk mumatikan kuman.
Pokoknyo banyak, inu tu hafal di awak kampung ko do, sorah di urang tu lah. Topi kadang awak nak tau juwu, bia ino nampak kampungan awak tu bona, kadang muangguk-aguk bak lagang unggeh balam, purak-purak mungoroti, pada hal jauh panggang dari api.
Topi betu telah, joman maju kinin ko. Inuw wak ikuik, tingga surang, nak ikuik tu kaca-kaca antaru pohom dengan indo. H h h nosib urang kampung.
Olun hapal, istilah lamuw, lah datang puluw istilah baru, iko baru dalam suminggu ko, disobuik-sobuik. Namunyo new normal. Iko bonduo baru iko. Kolou “normal” amiang, mungkin ngroti wak tu nyo, samu dengan “biasu” nyo, topi dek di tambah dengan “new”, ko, yang disobuik urang ateh naun, arti nyo “baru”.
Kolou awak gabung munjadi “baru biasu” jadi sulanu iko jadi nyu “inow biasu”, bapuw ajak tih iko nyo.
Topi rupunyuw, olah di tanyuw surang buduwu, artinyuw, sobolum covid-19 ko, awak dalam koadaan normal atau biasu, sutolah itu datang wabah Covid-19 ko, awak di lua dari biasu nyow, sutolah bujalan lobih kurang 3 bulan ko, awak nak balik ko normal balik, topi olun bisa ponoh leh, normal nyo pakai syarat.
Syaratnyo susuai dengan protokol kesehatan katuw urang tu. Jadi awak balik ko normal, masker dipakai juwuo, basuh tangan dengan sabun iyu juwu, bulungguk atau ramai-ramai, inuw juwu bulih, sudah itu bu rapek rapek sasamu awak olun juwu dapek.
Makuw nyo eupunyuw disobuik new normal atau normal baru. Buarti normal potang tu, normal lamuw.
Dari paduw poniang, awak ikuik amiang lah apuw katuw urang tu, ropi awak rasuw-rasuw juwu, kalau elok, mo, awak turuik, kolou inuw, wak cari puluw nun lain. Topi urang di ateh tu lah codik-codik, aturan nyuw mo, elok dengan topek tenyuw.
Kinin disampiang awak tutuik apo katuw urang tu, mo, mundoa awak ko Tuhan, inyu tih penolong yang inuw lai bandiang dan tandiangnyo. Sudah.(epp)