Kopi Now Pasie

ROKAN HULU (RIAUPOS.CO) — Subonanyo kopi atau minum kopi ko ino tih bonduo baru iko no,  lah sojak lamu  tielah, dulu waktu uwak atuk awak dek joman itu olun mocom kinin ko, kadang lai daun kopi bagai di salai (diateh anjok namonyo, di bawah nyo tompek mumasak nasi atau golai joman potang).

Sudah itu lah mosik (koriang) kalau di rameh bubontuk daun sonik-sonik sampai mocom sobuk, dimasukkan ko ayie angek baru masak untuk minum hari hari, ino macam kinin ko urang minum ayie putih kosong amiang ndo.

Kalau ino tolok atau ino lai teh, mo itu telah. Kalau kopi nyo diminum pagi atau potang hari, ino pakai gulo bagai no, putamu dek payah, koduo kadang no lai duik mumboli guluo, maklumlah waktu itu payah-payah nyo urang kito ko.

Sumuntaruo ayie onow (nira) atau ayie onou tu bona lah banyak juo waktu itu, tapi kalau pun lai untuk minum ayie nyo lobih nyo untuk buek gulo pumanih kolak atau mungkanan lain nyo.

Kinin ko dek kemajuan baru lah tupikie dek urang pasie ko, ntah kobetulan.

Tapi katuo Lurah Tambusai Tengah Kecamatan Tambusai, awalnyo dek lai kodai dokek Benteng Tujuh Lapih tu kuhabisan gulo, mako Pak Lurah Yuherman itu dengan kawan-kawan nyo munanyokan kok lai mungomeh atau munyimpan ayie onou, olah itu disuruhnyo urang kodai tu murobuih nyo dengan kopi, lomak rupo nyo, mako mulai lah iko di komangkan.

Selain ayie onou murni, bisa pulo dibuek ayie biaso tambah kopi dengan gulo onou yang olah munjadi, atau manisan, ayie onou yang di masak tapi olun boku leh, cayie macam madu lobah.

Minuman iko pun banyak di sukou masyarakat Pasie, buasuo asuo bukombang. Datanglah waktu itu Kadisparbud Rohul Yusmar, olah itu cubo di promosikan angsuo angsuo untuk urang di awak ko dari lua kota sampai urang Jopang bagai. Sukalian murubah namunyo dari Kopi air onau murni, Kopi gulo onou,  Kopi dari manisan onou munyadi Kopi Now artinyo kopi kinin, katu onou taden di tuka dengan  NOW, lokek namu tu sampai kinin.  Jadi ino awak nyobong no "KOPI NOW" atau Kopi yang bugulokan dari gulo onou, apokah ayie atau gulo atau manisan yang burasal dari onou atau aren, bu muluo dari Tanah Tumusai tih cak nyo, tapi namunyo Kopi Now Pasie h..h..h….

Kinin kopi now iko lah mulai munyoba kumano mano, sulain dapek rasu kopi yang baru, rogu ayie onou butambah nilai nyo, dapek pulo orang kituo nun bu usaho di situ lobih munjanjikan, sampai mungurangi digunokan ayie iko untuk minuman nun ino elok.   

Alhamdulillah, lah lai di awak ko Kopi Now Pasie, Insya Allah dapek busaing dengan cappucino, arabika, toraja mocom-mocom kopi lainnyo.(epp)