Mo Basiacuong kek Olek Godang

KAMPAR (RIAUPOS.CO) — Basiacuong marupokan tradisi lisan, masuok bagian Adat Istiadat pontiong bagi masyarakat Kampar. Mako pado Olek Godang merayokan ai lahir Kabupaten Kampar taun ko, Dinas Pariwisata menggolau lomba Basiacuong. Sekretaris Derah awak, Datuok Bandaro Mudo Yusri pada Ahad (2/2) komua sudah pulo mamulai baadu Basiacuong ko.

Tuok Yusri membei arahan pada ai patamo wakotu itu, bahwo berbagai pertandingan pado Olek Godang Kampar taun iko Insya Allah akan lobieh meriah dai taun-taun dolu. Dek apo? "Dek pado taun iko, ndak hanyo cabang olahraga ajo nan kito lombakan. Tapi Basiacuong nan sudah manjadi tradisi daerah kito, ikuik pulo dilombakan," nye Tuok Yusri.

Tuok Yusri manyobuikkan, tradisi asli harus dilestarikan. Lewat lomba basiacuong tahun ko, diharapkan pado masa dopan, lebih banyak anak-kemanakan punyo kemampuan basiacuong. Pontiong bagi generasi mudo Kampar, nye Tuok Yusri, untuok meneruskan tradisi asli Kampar ko.

Lomba Basiacuang taun ko juo membuek Kepalo Dinas Pariwisata Zulia Dharma basumangek. Zulia yang langsuong menjadi ketua pelaksana mengatokan, selain lomba Basiacuong, Dinas Pariwisata telah mempersiapkan pulo lomba menari tradisional.

"Kito ingin, kasodo masyarakat antusias mengikuti setiap lomba. Soto datang kali ke tompek lomba dan ikuik menyaksikan. Itu sabonou katuju dek kami. Memang, setiok taun selalu ramai. Jadi aghok kami, lomba iko bisa pulo kito dijadikan ajang untuok kito bersilaturahmi. Jadi adaik talestarikan, silaturahmi terjalin pulo," nye Zulia Dharma pulo.(end)