Mo Wak Dukuong Anshar Buek Rumah Rehab Pecandu

BANGKINANG (RIAUPOS.CO) – Anggota Dewan awak ciek ko, Muhammad Anshar, patuik didukuong ponuoh. Usaho nan dibuek pasti ndak sio-sion. Inyo mengusahokan rumah rehab bagi para pecandu narkoba di nagoghi awak ko.

Cito ko tabukak dai cito Anggota Dewan nan lain pulo, Tony Hidayat. Nye Ongku Tony, tolong bantu Ocu Anshar du, ndak ketek mulia niek dan usaho nyo do. Kok ado dunsanak awak la jadi pecandu, cubo cito kek inyo.

Ongku Tony bacito dek inyo la pernah mengunjungi rehabilitas du pado awal taun potang. Padi wakotu itu, fasilitasnyo bau limo tompke lolok nan tasusun dalam ruangan 15 x 15 meter. Namo tompek du, Rumah Rehab Sarasehan, bau diresmikan Januari potang kek Siak Hulu, Kampar. ‘’Deen baniek, rumah rehab ko dibuek sebagai amalan dunio untuok akhirat. Insya Allah, samangek kito tidak akan pudar,’’ nye Muhammad Anshar.

Ndak manangguong do, rumah remah ko dibangun kek area salowe 1 hektare. Diate dibangun ompek gedung. Ciek gedung utamo, ciek kantor, ciek sarana ibadah dan ciek lain pulo untuok uma entry. Siso lahan dibuek untuok pekarangan jo halaman.

‘’Untuok pekarangan ko, kito siapkan sebagai lahan untuok mengasah hard skill anak-kemanakan awak nan direhabilitasi. Bulio pulo kito buek tobek, lahan pertanian dan lain-lain,’’ nye Anshar wakotu manaimo kunjungan dai Ongku Tony jo Ocu Repol komua du.

Kini, fasilitas rehab du towui bakombang. Apolagi di Kampar ko kasus narkoba merupakan salah satu nan paliong tenggi penindakannya di kepolisian. Tamba pulo Posisi Kampar kini ko adalah ‘’darurat’’ narkoba. Mako usaho Ocu Asnhar ko harus mandapek dukungan dai awak basamo.(end)