Mo Isi Sensus Online

BANGKINANG (RIAUPOS.CO) — Badan Pusat Statistik (BPS) taun ko mengadakan sensus penduduk. Iko soal itong maituong jumlah penduduk. Data nanti didapek dai sensu ko indak hanyo jumlah ughang di naghori awak. Sensus soto pulo mancatat jenis kelamin, umuo, bahaso dan bondo lain nan dianggap parolu.

Dek banyak paguno, maka awak warga Kampar diminta untuok soto pulo melakukan sensus online iko. Ughang nan awak dulukan salangkah, Payung Adat Catur Sugeng Susanto Datuok Batuah la mambei contoh nan elok. Bupati lebih dolu inyo maisi langsuong data dighi nan parolu dek BPS. Mulai dai nomor Induok Kapendudukan (NIK), Kartu Keluarga (KK) hinggo Pendidikan terakhir pada Robu (26/2) potang.

Catur maisi data tu katiko manemo kedatangan Tim Sensus Penduduk dai BPS di kantuonyo di Bangkinang. Pado kesempatan komuda du, Catur manyatokan dukungan terhadap pelaksanaan sensus penduduk secaro online ko.

Sebagai informasi untuok dunsanak sadonyo, pangisian data untuok sensus kependudukan mandiri ko akan dilaksanakan dai tanggal 15 Februari hinggo 31 Maret 2020. Penduduk bisa melaksanakan sensus secaro mandiri melalui laman sensus.bps.go.id. Jan lupo, isi sensus online, siap tu akan ada sesi wawancara jo nan terakhir pengacahan sampel. Catur mengajak kito sadonyo untuok ikuik menyukseskan sensu online.

“Mo awak samo-samo dukuong Sensus Penduduk Tahun 2020 Online dengan berpartisipasi manolong pemerintah dalam mendata informasi kependudukan. Dengan pengisian data secaro Online ko, diaghokkan dapek menciptakan pengumpulan data nan topek dan mutakhir. Hinggo data-data ko dapek pulo manjadi bahan pengambilan kebijakan nan berkaitan jo kependudukan dan perencanaan pembangunan nan lobieh elok,” nye Catur.(end)