Jan Buek Anak Gilo Bamain HP

BANGKINANG (RIAUPOS.CO) –  Datuok Palo Panglimo Kampa Letkol (Inf) Aidi Amin menyerahkan mandat Komite Permainan Rakyat dan Olahraga Tradisional Indonesia (KPOTI) Kabupaten Kampar kepado Efrizal Syarif, Robu (24/6) potang. Nike uwang baduo ko, mulia. Melestarikan permainan dan olahraga trasional nan kini la mulai balupon dek bujang gadis awak kek kampuong.

Kekhawatiran Datuok Aidil ko beralasan. Dek kini anak-anak la gilo bamapain handphone (HP) bakapanjangan. Datuok Aidil isau manengok situasi iko. Mako KPOTI parolu dibontuok copek di Kabupaten Kampar. Tugasnyo la jole. Condo apo maiduikkan baliok permainan jo olahraga tradisional di kampuong awak.

‘’Jan buek anak gilo bamain HP towui. Bauba poangai, caro komunikasi  ndak jo olek dek itu. Mako, kito iduikkan balio eksistensi permainan dan olahraga tradisional iko di Kampar. Iko sekaligus untuok melestarikan nilai-nilai budaya kepado anak-anak awak nan la mulai lupo tamakan dek zaman,’’ nye Datuok Aidil.

Aidil mampacayokan organisasi nan bau dibentuk di Kampar iko kepado Efrizal Syarif, uwang awak asli Bangkinang. Efrizal la ponuo pengalaman dalam berorganisasi, baiok di lemabaga sosial maupun pemerintahan. Apolagi, Efrizal san punyo lo minat tenggi pado hal-hal nan takaik jo adat dan budaya Kabupaten Kampar.

 ‘’Malestarikan permainan dan olahraga tradisional di Kampar ndak kojo ketek. Kami parolu dukungan masyarakat. Sehebat apopun Kami, kok ndak ado dukungan kami indak berarti apo-apo. Mako mo wak basamo untuok kojo sosial budaya ko,’’ nye Efrizal.(end)