Bagi Duo La KNPI Du

BANGKINANG (RIAUPOS.CO) —  Edisi cito kampau minggu potang membahas KONI nan kini la jole ado duo calon ketua nyo. Sebuik-sebuik KONI, mangamuko pulo masalah KNPI ko. Tibo-tibo lo minggu potang, ado nan mengklaim dirinyo sebagai Ketua KNPI versi Musda Pokanbaru. Tontu takojuik-kojuik uwang.

Sobab, wakotu Musda nan mamonangkan Febio Angriawan Burhanuddin potang, ndak seketek angek do. Untuok ukuran monang aklamasi, cukuik dinamika nan mangamuko salamo dua minggu pado Februari komua du.

Tontu takojuik uwang, tibo-tibo pulo ndak ado angin ndak ado ujan la tapilio ajo Ketua KNPI Kampar tandingan.

Hebohlah dimano-mano. Media sosial ba owuok-owuok, kodai kopi cito ko baunca lo. Ndak omuo kalah, tontu para senior di KNPI. Ada mantan ketua, ada dewan pertimbangan. Termasuk para pengurus aktif versi Musda Febio Angriawan.

Olun ado tanggapan Febio terkait kok. Semenjak sibuk soto menanggulangi Covid-19, Febio ontok jie.

Sementara kehebohan Ketua KNPI vesi Noer Fajriansyah dengan Care Takernya Ardo dan kawan-kawan ko mendadak bonti. Sebab Ardo, anak Mantan Bupati Jefry Noer du, langsuong mambei klarifikasi. Nye Ardo, ndak batuo do kok ado nan menyatakan lah ado digelar Musda KNPI Kampar.

"Itu la kami klarifikasi, basamo inyo bagai bahwa klaim Abu Nazar, ndak botue do. Memang, inyo bamintak untuok melakukan konsolidasi jo kawan-kawan terkait Musda," nye Ardo nan maaso ndak lomak dek klaim Abu Nazar nan bahkan tanpa sepengetahuan Ardo sebagai Care Taker.

Sementara, nan senior condo Onga Fikri, mamintak kok dapek ndak ado dualisme dalam KNI Kampar. Kok dapek ciek, yo ciek ajo la. Dek Anggi dan kawan-kawan potang la sudah menggelar Musda, mako itu ajolah nye Onga.

Jan buek-buek nan baghu le. Tapi ndak dapek jak do, nye Onga. Kok mereka nan mambuek Musda ciek le ndak lo bisa disalahkan. Dek dualisme ko ado di pusat akaunyo.

"Yo kok batanyo Ka Onga sebagai senior, tokoj dan mantan Ketua KNPI Kampar, tontu kok dapek ciek ajo KNPI Kampar ko. Tapi kok nak nio duo jo, yo ndak dapek jak le. Bagi duo la KNPI du," nye Onga Fikri.(end)