Dinas Teknis Jan Lenga

KAMPAR (RIAUPOS.CO) – Ndak ketek banyak proyek mangrak duo taun ko di Kampar. Ado jembatan, taman kota, uma sakik, sampai proyek istana ghajo kampa ikuik lo mangrak. Banyak lo proyek ko merupokan proyek arahan Bupati langsuong. Sobuik la proyek uma saki, taman kota, jembatan sampai restorasi istana ghajo kampa. Harusnyo, proyek-proyek ko ndak ado nan talantar do.  

Masalah ko mendapek perhatian khusus dai Onga Fikri, tokoh masyarakat awak. Nye Onga, dinas teknis terkait indak lope tangan. Jan babuek, nye Onga, seakan-akan proyek mangkrak hal biaso. Padahal, nye Onga baliok, proyek-proyek du proyek nan diperintahkan langsuong dek Bupati Kampar. Mako sodo proyek nan bersentuhan langsuong jo pelayanan, harus mandapek perhatian serius.

‘’Dinas terkait jan lenga memantau proyek-proyek nan kini la banyak nan taonti, ko ndak bulio dilope. Jan lupo, mambuek proyek du piti rakyat bapakai du, mako harus ado laporan kepado masyarakat. Kok ndak salosai, dicai kendala, dicai masala, tapi jan jo alasan-alasan nan dibuek-buek. Apo nan jadi masalah, harus ada solusi, sepayo masyarakat ndak tatanyo-tanyo,’’ nye Onga.

Onga menilai, dinas teknis terkait lalai dalam mambei pengawasan. Harus ado evaluasi dan pengawasan. Harus ado solusi, tautamo dek proyek-proyek ko adolah proyek nan diniekkan oleh Bupati. Mako, dinas teknis terkait jan lenga menjalankan tugas masiong-masiong.(end)